تـــوهـــــــــــــان

بقالى فترة - كبيرة - مش مظبطة ، عندى حالة غريبة مش فاهماها وبحاول افهمها ... مرحلة غريبة من بعد ما اتخرجت عايشاها ... اول المرحلة هى الاحلام والطموحات والامانى ودى المرحلة الجميلة اللى بتمر علينا كلنا ، اللى هو انا هعمل كذا وكذا وكذا ، وتقريبا شبه مخطط لكل حاجة انت عايزها (على الاقل بتبقى عارف انت عايز ايه كويس اوى) ، وطاقة فظيعة بتبقى فينا وده حلو اوى على فكرة ... امسك فيها على اد ما تقدر وخلى نفسك طويل ... المرحلة دى لو ضيعتها بسرعة هتندم اوى ... متستعجلش وعيشها واتبسط وافرح على اد ما تقدر ، هتحس قدام بيها جدا

بعدها هتبدأ الدنيا تبقى حمل عليك وتحس ان انت رامى نفسك فى كذا حاجة ومش مبسوط ومش ده اللى انت عايزه ، تحس انك مجرد كمبيوتر بيعمل تاسك معينه انت قايلهاله ومش مبسوط ... او مش حاسس ... لأ ثوانى انت حاسس لسه ... خلينا فى المرحلة دى ... حاسس انك مش مبسوط ... تبدأ تعمل ليست باللى فى حياتك دلوقتى وتبدأ تتنازل عن حاجه حاجه فيه لانك شايف انه مش لازمك ومش مبسوط بيه - او من غيره - بالعكس انت لو شيلته من حياتك هيفضى وقت تحط فيه حاجه تانية تخليك مبسوط وانت أولى بالوقت ده ، ومن هنا هتبدأ تجيلك سعادة وقتية بعد ما تخلص من اى حاجة من اللى عليك فى الليست لمجرد احساس انك خلصت منها ... حاسس انك فى سبق دايما وعايز تلحق تعمل الحاجة اللى انت عايزها وعمال تجرى وبس ، مش حاسس بحلاوة اللى انت بتعمله ، كل اللى انت بتعمله انك بتجرى والحاجه اللى انت عايز تعملها أكنك ملزم بيها ، مش بتعملها علشان انت عايز تعملها ... عمال تجرى لحد ما نفسك اتقطع ومبقاش عندك طاقة تجرى زيادة ... مع ان المفروض ان فى الوقت ده هو وقت انى اعمل كل اللى نفسى فيه واستمتع بيه ... هو مش إلزام عليه انى اعمله ... انا بعمله علشان نفسى ، بعمله علشان المفروض يبسطنى ! بس فجأة بتلاقيه اتقلب إلزام ولو معملتهوش تبقى مذنب ! ، مذنب من وجهة نظر الناس قبل ما تكون مذنب من وجهة نظرك وبالتالى وجهة نظرههم دى مع الوقت هتتنقلك وهتحس انها وجهة نظرك انت من مبدأ (الزن على الودان أمر من السحر) ، تخيل كده انت عندك قناعتك الشخصية جدا فى حاجة بس كل يوم حد يجى يفضل يزن عليك بعكس قناعتك ، كل يوم زن لحد ما هتوصل فى يوم تبص بنظرتهم واللى هو تلاقى نفسك انت اللى بقيت بتكلم نفسك بأسلوبهم ! – الزن هنا مش مقصود بيه ان الناس بتفضل تيجى تقولك الكلام مباشرة ، ممكن يحصل كلام مباشرة وممكن اصلا تكون محاط بناس قناعتهم مختلفة عنك وقعدت فترة حلوة معاهم لحد ما تبدأ تسأل تفسك هو انا صح ولا هما اللى صح ؟! هو اللى بعمله ده صح ولا غلط - احساسك بالفشل لأن الناس هى اللى محسساك بيه ده فى حد ذاته مصيبة ! بعض الناس بيبقى عندها فراغ بالتالى بتضيع وقتها انها تتسلى على الناس التانية وطبعا مع الوقت بتلاقى نفسك (بتتحول) ، تبدأ تخلص من حاجة حاجة من اللى فى الليست (إنك مش عايز تكملها خلاص) ويبقى نفسك تحس انك عندك وقت فراغ ... مفيش حاجة وراك ... عايز اجازة من كل حاجه ... احيانا بتتمنى ان الدنيا تقف علشان تاخد نفسك وبعدين تتكى على زرار يرجعك للجرى تانى لما تحس انك جاهز ترجع للتراك تانى ! عارف انت احساس انك تبقى عندك وقت فراغ حلو اووى لو انت قعدت فترة كبيرة معندكش الموضوع ده ، قاعد عمال تحط فى تاسكات لنفسك وبس وأكنك اتقلبت جهاز بينفذ أوامر وبس ، احساس انك مفيش وراك حاجه وعايش فى ال لالاند مش ملزم تعمل اى حاجه دلوقتى ... بس الاحساس ده بيبقى مؤقت لانك

 عاجلا أو آجلا هتحس بملل رهيب من حياتك لما تفضى ... لما تفضل دماغك تفكر لدرجة متعرفش تنام من كتر ما بتفكر !

بعد ما تخلص من الحاجت اللى تقدر عليها فى الليست بتعتك ، وتاخد وقت مبسوط مؤقتا انك مش ملزم بحاجه هتبدأ مرحلة جديدة ... التوهان ... ترجع تانى تحس انك مش مبسوط والسعادة المؤقتة دى راحت ، تحس انك تايه مش عارف انت عايز ايه ولا نفسك فى ايه ... تبدأ تحط فى احتمالات لو عملت ده هتبسط ولا لأ ، طب كذا ، طب كذا ، ولا حياة لمن تنادى ! مش قادر تلاقى الحاجة اللى تبسطك ... احساسك فى الوقت ده انك مش عايز حاجة ولا نفسك فى حاجة احساس ال (ولا حاجة) ، مفيش هدف عايز تعمله او حاجة شدتك نفسك تعملها ، من هنا المرحلة دى لو طولت ومعرفتش تهرب منها بسرعة هتدخل فى سؤال بسيط (ايه الهدف من كل ده ؟ )

دماغك هتبدأ تودى وتجيب فى محاولاتك انك توصل لإجابة على سؤالك واللى فى مرحلة ما مش هتعرف تجاوب نفسك على السؤال ده ، هتستسلم حبة لدماغك فى ال (ولا حاجة) وحبة هتقول لا مش هعمل كده وهيفضل وضع (أخاصمك اه اسيبك لأ) موجود حبة حلوين اللى هو لا انت قادر تستسلم لل (ولا حاجة) ولا لاقى هدفك ! احساسى فى الوقت ده (انا فى سجن انا اللى ساجنة نفسى فيه ... لا قادرة اتعايش معاه ولا قادرة اخرج منه)

أعتقد ان حل المرحلة دى ان احنا نبص على الصورة من بره ونرجع تانى نعيد حساباتنا ونعمل ليست جديدة باللى فعلا عايزنه ونبدأ نشتغل عليه ، هتلاقى نفسك كتير مش قادر ومش عارف تلاقى ليست جديدة ولا قادر يبقى عندك الطاقة اللى تخليك تبدأ من جديد ، بتبدأ ترجع من الاول تانى لايه اللى وصلك لكده وازاى وصلت للمرحلة دى ! تبدأ تحلل احداث قديمة واسباب ممكن تكون هى اللى وصلتك للتوهان ده ... أعتقد انك انت احسن واحد ممكن يعرف الاسباب الصح ويعرف يحللها صح محدش هيقدر يعرف ده غيرك انت لان كل ده طالع منك انت ... لو وصلت للاسباب اللى خلتك توصل للنقطة دى ... دى بداية انك تعرف تطلع منها.

انفد بجلدك

يـــــــــــــــــــــــــــــــــاه يا عبد الصمد :D :D

انا كنت نسيت ان انا عندى بلوج وكنت بطلع فيه الطاقة المكبوتة هنا ... بقالى كتير اوى مجتش الركن الهادى البعيد اللى بهيبر فيه وبطلع فيه بلاوى القسم ... بس بما انى رجعت تانى للنكد برجليه ... اه وربنا برجليه وانا اللى بعمل كده فى نفسى المرة دى .... لييه ها !! ليه بعمل فى نفسى كده !! مستكترة على نفسى نعمة الصحة والعافيه مثلا !! ولا فراغ بعد الشر عليه ... ولا ده عبارة عن ايه بالظبط !! انا عايزة مبرر واحد بس للى انا بعمله ده ولا اخرته ايه اصلا

حد فاهم حاجه ؟!! والله انا نفسى ما فاهمه حاجه
:D :D

طيب نرجع كده من اخر مرة كنت هنا فيها ... فلاش باك بقى كده :D :D
انزل يابنى بالتتر :D

الا صحيح انا اخر مرة كنت فيها هنا كانت امتى ؟!! يالهويز !! من اكتوبر 2011 !!! لا كتير بجد :D
ده زمن عدى وفات وناس راحت وناس جت وعملت بلاوى فى ناس وناس بتدعى عليه علشان رمتهم فى التهلكة انى دخلتهم القسم ده :D
ليه الاذى بس انا مش عارفه ده انا مؤذية اوى ما اصل البلاوى اللى بتحصل فيه دلوقتى دى مش هتحصل كده لوحدها اكيد مش لله وللوطن ولا من فراغ  :D
اتارى عمال يحصلى بلاوى وافضل اتسائل هو انا مين بيدعى عليه ولا بيحصلى كل ده ليه :D
عرفت اجابة السؤال ده دلوقتى
:D :D

احم حسه انى سخنة وبخرف فى مواضيع كتير ومدخله كل حاجه فى بعضها هو انا بقول ايه بالظبط ؟!!!

طويب ما علينا ... نرجع كده من اخر مرة ... الحمد لله عملنا مشروع التخرج وربنا اكرمنا و كتبلنا عمر جديد وطلعنا من الكليه دى على رجلينا :D
مش اوى يعنى الاصابات كانت خفيفة الحمد لله فضل ونعمة من عند ربنا حد لاقى :D
وبما ان الفراغ مقطع بعضوا بعيد عنكم قررت انى اعمل فى نفسى مصيبة ... ايون حقيقى ... ايون اللى فى دماغكم
 قررت انى احضر ماجسير وارمى نفسى فى التهلكه بأيدى فى كليتى العزيزة مرة تانية !!
 مش عارفه ليه والله الواحد كان قاعد معزز مكرم فى فراغ جميل بس انا استكترت على نفسى النعمة دى وقلت لا بقى لازم اكمل احلامى وطوحاتى ومش هكتفى بكده - كنتى اكتفى ياختى وارحمى نفسك - قال بقى خلاص وقت ما عايزه اسافر هطير فى ثانية :D
اهى كلها احلام وامانى :D

وطبعا بناء على اللى انا عملته فى نفسى ده احب اقول لكل شاب وكل فتاة لسه متخرجين جداد ياعينى وعندهم احلام و طموحات
انفد بجلدك ... ايون انفد بجلدك ... اه وربنا !! اصل مش هتاخد الا الاكتئاب ونفس جرعه قبل التخرج من مواد و حاجات ولا ليها لازمة والاسم لازم تاخد معرفش كام ماده طب دى هتفرق معايا ايه !! ولا اى حاجه اللايحة بتقول كده ... زى الفل الكلام ده ... قاعده انا اضيع سنتين من عمرى فى مواد لمجرد اللايحة واضيع كل قوايا هدر لدرجة نفسى تتسد اصلا انى اكمل اللى كنت عايزه اشتغله بسبب اللايحة ... شكرا

بلاش ياسيدى الاكاديمى خالص نروح بقى
 لل industry
الشعار بقى فى المرحله دى بيبقى كالتالى :

 انا شايف وشوش جديده وحاسس فيها بابتسامه امل !! انسى ... تمشى جنب الحيط ... احبك ... تبقى صاحبى ... حبيبى كفاءة ... تبعد عن الحيط ... ياويلك وياسواد ليلك ... هعصرك تنزل
developers
صغيرين
المكان هنا التزام :D

حقيــــــــــــــــــــــــــــــــــــــــــــــــــــــــــقى :D

 ومش عايز اوضح اكتر من كده :D

مساء الفل :D

تعرف ازاى انك طالب سى اس ديهاوى :D:D

بما انى فاضيه جدا جدا وبقضى العيد وسط العيله مع الكحك والبسكوت بقى ومفيش اكتئاب ولا حاجه لا سمح الله :D:D
اكتب شويه عن احساسى الرائع من اللى انا فيه يلا بينا سمى كده وحضر نفسك معايا
اغلب اللى معايا فى القسم طبعا عارفين الكلام ده عن تجربه شخصيه رقم واحد
رقم اتنين لانى كتبت الكلام ده قبل كده فى الفيس بوك من سنتين فاتو وسبحان الله تلف الدنيا وادور عليه مش لاقياه وارجع اكتبه تاانى
يلا فراغ بقى وانا ورايا حاجه :D
والله ده حتى النوم بقى يتعب يا اخى الواحد يقوم كده قلقان من الكابوس اللى كان شايفه
شايف ..... بتجرى وراه وبتقوله عليك كذا تعمله ومعاده الاسبوع ده لازم يبقى خلصان واخدالى بالك ياللى عارفه نفسك
ما انا لو قلت اسمك يبقى بقول مكان النقط دى مين وهتعلق من قفايا فخلى كده ربك ساترها معانا
علشان انا لسه صغيره على البهدله ونفسى اتهنى بشبابى اللى مش باينله هنا كده :D
طيب يلا بينا نحكى الحدوته كده واحده واحده ونقول مره كمان تعرف ازاى انك طالب سي اس ديهاوى
نفسيتك بتتعب ...... وده العادى عندنا يافندم مع CSD
صحتك بتتدهور ..... مش جديده علينا والله برده ده اساسى حضرتك
شعرك بيقع بازدياد مستمر ..... ايون حقيقه بلاش نهرب منها كلنا بلا استثناء فالافضل محدش ينسى ياكل كويس علشان يحافظ على اللى بقيله والنبى :P:P
نسبه الهيموجلوبين فى دمك تنعدم تدريجيا ..... عادى يعنى جت عليها دى هى اساس البلاوى اللى بتحصل بعد كده:D
تنسى انتى اكلتى ولا لا ولو اكلتى تبقى حتى مش عارفه انتى كلتى ايه اهو ماما عطتك حاجه وانتى مع نفسك كده اكلتى وخلاص ايه الحاجه دى مش هتعرفى حتى تميزيها :D
تقومى تعملى لنفسك حاجه تشربيها وانتى اصلا لسه مخلصتيش الكوبايه اللى جنبك ومعتقده انك خلصتيها ياحرام :D
بتدورى على القلم بتاعك حوليكى وتتعصبى وفى الاخر تلاقى نفسك حطاه فى شعرك او ورا ودانك :P:P
بتدورى على النضاره تلبسيها وهى اصلا اصلا على وشك اصلا :D:d
بتبقى وسيله الدفاع عن نفسك لما حد يضايقك هى كتاب من اللى عليكى سواء بقى OS
او غيره :D:D
بتبقى وسيله الهزار بتعنا اننا نكتب برنامج صغنون كده للى عايزين نقوله :d
لما احب ادعى على حد بحط الدعوه فى infinite loop
وادعى وانا لسه هدعى بنفسى انجازا للوقت واستفادة باللى بدرسه لازم اطبقه عملى اومال ايه :P:P
بيبقى تفاهمك مع اللاب اسهل بكتير جدا من انك تتفاهمى مع بنى ادم :D:D
ابقى انا واللاب صحاب وانتيم وانسى علاقتى تدريجيا بالبنى ادمين :D
يبقى عندك معاد مع الدكتور اسبوعيا ومع ذلك متروحيش ويبقى اسهلك انك تعمل المعاد لايف تشات او يبعتلك بالايميل اسهل :D
اول حاجه تعمليها اول ما تصحى من النوم بعد ما تسألى هى الساعه كام دلوقتى .... وبعدين احنا الصبح ولا بالليل .... هى تفتحى الايميل بتاعك تشوفى كام ايميل عايزين يتقروا وكام واحد عايزله كوبايه شاى علشان تردى عليهم :D
طول ما انتى ماشيه ماسكه فى ايدك ورقه وقلم واى حاجه تتقالك تكتبى عالطول :D
تبقى شغال فى حاجه ومش هاين عليك تسيبها وتقوم تنام الا لما تخلصها بس لما تلاقى انك فعلا بتخرف فى الكود بتقوم تنام ظاهريا بس فى حقيقه الامر انت لسه بتكمل اللى شغال فيه فى حلمك اثناء ما انت نايم :D
بتتكلم وانت نايم وبتقول الجورزمات غريبه جدا لا والمصيبه الاكبر ان لو حد اتكلم معاك تعترض وتقوله ورقه وقلم بسرعه ورقه وقلم بسرعه وهما يطاوعوك يعينى وتكتب انت حاجات عجيبه :D:D
يبقى وجود ورقه وقلم جنب سريرك وفى متناول يدك وانت نايم شئ اساسى بعد المصيبه اللى فاتت :D:D
يبقى يا ويله وياسواد ليله اللى يقطع عنك النت ولا يسحب السرعه منك .... يبقى هو اللى جابه لنفسه :D:D
انجازا للوقت الوجبه بتعتك تتلخص فى التالى لقمه اى حاجه على اى حاجه من كل حاجه ويلا بينا ناكلها فى السكه او وانا بحضر الشنطه :D:D
تمشى فى طرقه الدور بتاعك بتحسب حاجه فى دماغك ومن غير قصد ايدك ممكن تبقى شغاله مع حساباتك وتلاقى اللى معدى جنبك بيبصلك وبيقول لا حول ولا قوه الا بالله العلى العظيم :D:D
تحلم بالبروجكت بتاعك طول ما انت نايم وتبقى مش عايز تصحى لانك معتقد انك بتكمله بجد مش بتحلم ومصمم تخلصه قبل ما تقوم :D:D
تبقى قاعد فى امان الله من غير اى حاجه كده تلاقى مره واحده نفسك تتكلم بصوت عالى وتزعق تقول حاجه او تغنى بس بصوت عالى مش عارفه ليه بس غالبا بيبقى صوتى وحشنى :D:D
بيتك بيبقى فندق نازل فيه وغالبا مش بتبات فيه كل يوم لو بتبات فيه يبقى بتروح على اخر اليوم بس تدور على سريرك وتسلم عليه وتصحى الفجر تودعه :D
يبقى تسليمك تانى يوم الصبح وكده قدامك وقت رهيب تلحق تنجز فيه الباقى عادى مفيش مشاكل :D:D
اتخانق مع صحابى لما يقولولى انهم كانوا سهرانين طول الليل والاقى السهر عندهم للساعه 2 بالليل ولا حاجه نفسى اقولهم فى ناس هنا بيناموا كل 3 تيام 5 ساعات متواصله على بعضها الباقى بيبقى مقطع او غالبا فى السكه لما بننتقل من مشوار للتانى :D:D
ايدك تبقى مربوطه والاربطه ملتهبه وشرخ قديم وحاجات كتير ظهرت مره واحده كده ويبقى السؤال اللى بيدور فى دماغك هو ... انا ازاى هكتب فى المحاضرات ولا ازاى هشتغل على اللاب توب بايد واحده :D:D
بيبقى عندك علم بكل خناقه بتحصل فى كل العمارات اللى حواليك فى جميع الاوقات .... ما انت معاصرهم 24 ساعه بقى :D:D
تسمع لسته اغانى وانت شغال وتعيد وتزيد مليون مره وكل اغنيه تفكرك بايرور معين فى الكوبليه الفلانى :D:D
لما تحب تروح فى اى مكان لازم اول حاجه تحضرها هو اللاب توب بتاعك والشاحن بعدين ممكن نفكر فى الموبايل بعد كده اى حاجه تانيه مش هنختلف عليها :D:D
تبقى عارف كل حاجه عن اللى معاك فى الكليه وتاريخ حياتهم اكتر ما تبقى عارف حاجات كتير عن اهلك :D:D
تتعامل مع اللاب توب على انه كائن حقيقى وله اسم ... وجيه كمثال :D:D
تعرف احساس توم لما يبقى هيموت وينام وعينه بتغمض ويجيب لصق ويثبت جفونه علشان يفضل مفتح :D:D
تضرب قهوه فى اليوم 4 مرات وتكون كل مره مج كبير علشان توصل لاحساس توم وتفضل عينك مفتحه بس انت دماغك عاليه جدا واللى يكلمك ولا انت هنا اصلا :D:D
اول حاجه تدور عليها فى اللى هتقراه علشان تبدأ شغل جديد هى الكود .... ابحث عن الكود :D:D
لو قدامك حاجه عايز تفتكرها كمان 5 دقايق اجرى حطها فى منبه يرن كمان 5 دقايق لانك مستحيل تفتكرها ده لو منمتش مفتح عنيك اساسا :D:D
يبقى اى حاجه بتتعمل من الناس الطبيعيه فى وجهه نظرك مضيعه للوقت وتفاهه :D:D
بتبقى بتحقد على كل بنى ادم فى البيت عندك لا تشوفه داخل ينام :D:D
بتضحك على نفسك كل يوم وكل ساعه وتقول هانت خلاص قربنا نرتاح وانت متأكد انك عمرك ما هترتاح :D:D
بتنتقم من اللى حوليك انك تعمل ايفنتس زى ال E.P.C
وتدخل ناس مساكين القسم معاك مش عايز تبقى لوحدك وتريهم الحياه وردى :D:D:P
امنيه انتى معايا ولا ايه :P:P
بتلاقى صحتك تتدهور وتتسأل عن السبب اتارى الناس اللى دخلتهم القسم بيدعوا عليك :P:P
ممكن حد من قرايبك يعدى جنبك فى الشارع ومتعرفهوش لسببين الاول انك مش شايفه اصلا لانك نايم والتانى انت بقالك كتير جدا مشفتهوش فمش عارف شكله ايه :D
لو جاتلك اجازه من عند ربنا تخاف تنام كتير احسن جسمك يتعود ولا حاجه لا قدر الله :D:D
كفايه كده بقى انهارده ابقى اكمل فى اى وقت تانى بقى :D:D

Software Freedom Day 2011 Closing Ceremony

Well, 3 days pass away quickly, and here we are the last day and the closing ceremony. Third day in SFD 2011, there was 2 awesome sessions and the closing ceremony. First session was Hackerspaces/Makerspaces and how to start one by Tarek Ahmed and I really enjoyed this session so much. The second session was Entrepreneurship by Samer El-Sahn it was perfect too. Finally the closing ceremony and announce the winner of our great contest :P:P by Hams Elashry ( ana :P:P ):D:D. The contest winner was 2 teams the first team solved all the contest msA :D and the second team solved 2 of 3 questions. There was a winner of the Android study group contest too. The last 5 minuets there was a small video for SFD 2011 and it was cool. Finally, Thank you so much for the speakers who could manage their time and made a session in SFD 2011, SFD team I really enjoyed working with all of you thank you so much. Attendees, Thanks a lot for being there. Thanks a lot for every one who helped in this event. SFD 2011 days I will miss you so much. See you in SFD 2012 isA :)