يعنى ايه CSD :D !!

يعنى ربنا يوعدك بدكتور يفضل يذل فيك انك فى نظره خايب وفى الاخر مش يقولك المعلومه كمان.
يعنى نفس الدكتور يبقى موجود فى المكتب اللى فى الطرقه بتاعت لجننتك ومش عايز يطلع يشوف اى سؤال من اى حد علشان شايف انه واضح جدا !!
يعنى معيده الماده بتاعت الدكتور ده تيجى اللجنه بعد الامتحان ما يخلص
يعنى ربنا يوعدك بدكتور تفضل تتكلم اكتر من الانفينيت لوب اللى تطبع اى حاجه فى اى حاجه وياريت الكلام مش بيتكرر لا ازاى ده اللى تعيده تزيده.
يعنى نفس ذات الدكتور تعلق على كلمه

TOO MUCH

بطريقه تخليك تسيب كل المعلومات وتعد هى قالتها كام مره وسبب انها اتقالت فى كل مره ايه
يعنى نفس ذات الدكتور تفضل تسأل سؤال واحد بس وممكن تخليك تنام وتصحى علشان تلاقيها مستنيه الرد ومحدش بيرد .... والله مش بنرد علشان مش عارفين قولى بقى ... لا ازاى مش مكمله الا لما تجاوبه .
يعنى نفس ذات الدكتور برده تخليك تجاوب على نفس ذات السؤال فى ورقه ليه ؟! مش علشان درجات لا لا لا عيب .... ده علشان تذل فيك لما تيجى تطالب بأى حاجه .
يعنى نفس ذات الدكتور كلاكيت رابع مره تبص فى ساعه الموبايل اكتر ما انت تبص فى ساعه الفصل .
يعنى نفس ذات الدكتور كلاكيت خامس مره تكروتك كروته محترمه علشان الوقت خلص وهى مش هتمشى قبل ما تخلص واللى يحاول يسأل ... عباره عن سرااااب ولا اكن فى صوت بيقولها يا دكتور.
يعنى تلاقى دكتور داخل يشرحلك ماده من اهم المواد اللى علينا ويقولك ملهاش لازمه .... وطبعا لما هو يقولى ملهاش لازمه فى كل مره نشوفه فيها يبقى مفيش غير كلمه واحده بس نقولهاله ... شكرا.
يعنى تلاقى نفس الدكتور بياخد الغياب وعايز يشوف نسبه الحضور اد ايه وهو ذات نفسه حضر 3 محاضرات من اول الترم والباقى مجاش وده طبعا لسبب ان الكورس ملهوش لازمه.
يعنى الدكتور يبعتلك ايميل انه مش هيقدر يجى المحاضره الجايه وقايل السبب وياريته ما قال السبب .... قالك

i am not feeling well :D.

يعنى ينزلك شيت والشيت ده هيتسلم قبل السيكشن وفى السيكشن الشرح وقلنا ماشى بس لما كمان الشيت يتسلم وفى حاجات لسه مش اتشرحت فى المحاضره ولا شفنا المعيد !!
يعنى المعيد كان معانا فى ماده ما فى الترم اللى فات وقلناله على الفيد باك بتعنا فى الاخر وكان منهم مش السيكشن يتلغى عمال على بطال ... يجى يعمل نفس الحركه فى اول سيكشن فى الترم الجديد.
يعنى الدكتور يجى محاضرته اخر 10 دقايق ويقول نفس الكلام بتاع كل مره مضاف اليهم قليل من المصطلحات الجديده فى ماده من اهم المواد!!
يعنى نفس الماده دى تاخد فيها شيتين بالظبط من كتر اهميتها.
يعنى كورس

OOP

يضيع منك بسبب الدكتور والمعيد وتلاقى المعيد ده جالك تانى فى محاوله للتغير بس للاسف المحاوله دى من اولها كده فاشله

يعنى المعيده تدخل اول سيكشن وتقرالك السليد وتقولك انا وخداها كوبى ومجربتهاش !!
يعنى نفس المعيده تدخل السيكشن اللى بعده وتقرا السليد وتقلبها علشان تشوف فى مثال ولا مفيش !!
يعنى علشان تغير اللايحه يشاء القدر ان خير اللهم اجعله خير الدكتور اللى هيوصل صوتنا نفس الدكتور اللى مش طايقنا ولا عايز يشوفنا اللى شايف انه كورس ملهوش لازمه!! سبحان الله ادى اللايحه اللى هتتغير فى المستقبل البعيد ... البعيد جداا
وأخيرا كلمه واحده بس اللى تتقال فى كل ده .... ربنا يتولانا ... ومش هيبقى فى عندك اى رد فعل للدكاتره الا حاجه واحده بس ..... زى الفيس ده :D :D